International Foundation Manifesta, Bienalaren antolatzailea, hunkituta utzi zuen lurraldeko bizitasun handiak. Helburu estrategikoa, epe luzera, iparralde eta hegoaldearen arteko oreka handiagoa lortzea zen jardueren alderdi guztietan, bienalaren hurrengo kokalekua eta zuzendaritza-taldeko kideen, komisarioen eta artisten kokapen geografikoa barne.
Donostiak gero eta sutsuagoa zen nortasun kulturala garatu zuen, artista independenteen, galerien eta erakunde publiko eta pribatuen ekimen ausarten bidez. Hiriak garai hartan zuen kultura- eta erakunde-azpiegitura gorakorra erabakigarria izan zen hiria Arte Garaikidearen Europako Bienal entzutetsuaren egoitza hauta zedin.
Gaur egun, Manifestak Palermon (2018) antolatu du 12. Bienala, eta hurrengoa, 2020koa, Marsellan antolatzen dihardu. Nazioarteko testuinguru artistikoaren kide batzuek adostuta, Manifesta 5 ekitaldi gogoangarri nagusienetako bat izan zen, bi komisio hauek egindako kontzepzioari, ideiari eta artista-hautatzeari esker: Massimiliano Gioni (gaur egun, New Yorkeko New Museum-eko chef curator-a) eta Marta Kuzma (komisario independentea).
Manifesta 5en programa eta erakusketa, Lourdes Fernández zuzendari eta José Miguel Ayerza kudeatzaile izan zituen zuzendaritza-taldeak garatu eta burutu zuen.
